Ներածական
Պասրա՝ Իրաքի գլխաւոր նաւահանգիստն է Պաղտատեն 550 քիլոմեթր հարաւ արեւելեան կողմը:
Պասրայի Ս. Աստուածածին եկեղեցին կը գտնուի հին Պասրա կոչուած թա թաղամասին մեջ։ Կառուցուած է 1736ին բարերարութեամբ Աղա Պետրոս Սեթ Աղայեանի: Օծումը կատարուած է 1754-ին ձեռամբ Գեորգ Եպս. Ջուղայեցիի, Պասրայի հովութեան ժամանակ:
Եկեղեցւոյ Վերակառուցում 1905-1907
1900ական թուականներուն կիսափլակ վիճակի մեջ ըլլալուն, Կոստանդնապոլսոյ Պատրիարքութենեն արտօնութիւն առնուած է, եւ 1905- 1907-ին հիմնովին վերակառուցուած բարերար Աղա Բարսեղ Օհաննես Գասպարեանի կողմէ: Օծումը կը կատարէ Տ. Սերովբէ վրդ. Սամուելեան 24 Նոյեմբեր 1907ին:
Նորոգութիւններ 1931ին
1931ին ընդհանուր նորոգութիւններ կատարուած են բարերար Սիմոն Ղարիպեանի ծախսով:
Եկեղեցւոյ վերջին նորոգութիւնը կատարուած է 1997-ին Պասրայի թաղականութեան կողմէ` Ազգային Կեդրոնական վարչութեան օժանդակութեամբ:
Եկեղեցիի շենքը մասնաւոր հայկական ճարտարապետական նշանակութիւն մը չունի:
Կը գործէ մինչեւ այսօր: (Տես յաւելեալ մանրամասնութիւն Պասրայի Հայ Գաղթօճախը գլուխը տակ Պասրայի Ս. Աստուածածին Եկեղեցին):
Մատուռ Գերեզմանատան Մէջ
Պասրայի հայոց գերեզմանատան մեջ 1973ին կառուցուած է մատուռ մը, Տ. Սեպուհ վրդ. Սարգիսեանի հոգեւոր հովութեան շրջանին, թաղականութեան ու համայնքի առատաձեռն նուիրատուութեամբ:
Մատուռի օծումը կատարուած է 20 Յուլիս 1973ին ձեռամբ իրաքահայ թեմի առաջնորդ Ասողիկ Եպս. Ղազարեանի եւ կոչուած Ս. Յովհաննէս Կարապետ:
