Հանդիսապետութեամբ Իրաքահայ Թեմի Առաջնորդ Գերաշնորհ Տ․ Աւագ արք․ Ասատուրեանի, Երեքշաբթի Փետրուար 13-ին Առաջնորդանիստ Սբ․ Գրիգոր Լուսաւորիչ Եկեղեցւոյ մէջ կատարուեցաւ Տեառնընդառաջի նախատօնակը։ Ծէսին մասնակցաւ Հոգեշնորհ Տ․Գաբրիէլ վարդապետ Սարգսեանը եւ Պաղտատի հոգեւորականաց դասը, Ազգային Կենդրոնական Վարչութեան ներկայացուցիչները, Քուրտիստանի խորհրդարանի պատգամաւոր Պր․ Երուանդ Էմինեանը եւ հաւատացեալ բազմութիւնը։ Յաւարտ ծիսոյ, կատարուեցաւ հրավառութիւն, իսկ աւարտին Սրբազան Հօր օրհնութեամբ ներկաները հիւրասիրուեցան Հայոց դպրոցի սրահին մէջ։
նկարները՝ Երուանդ Ուզունեան
