Կիրակի, 8 Յուլիս  2018ին, հանդիսապետութեամբ Թեմիս բարեխնամ Առաջնորդ Տէր Աւագ արք. Ասատուրեանի։  Պաղտատի Սուրբ Կարապետ եկեղեցւոյ մէջ մատուցուեցաւ սուրբ եւ անմահ պատարագ երրորդ տաղաւար տօնի՝ Վարդավառի առիթով։ Պատարագիչն էր Հոգ․ Տ․ Գաբրիէլ վարդապետ Սարգիսեանը։ Ան իր քարոզին մէջ շեշտեց տօնի կարեւորութիւնն ու բացատրեց անոր խորհուրդը։ Պատարագին ներկայ եղան բարեգործական միութեան ամառնային դպրոցի մանուկները եւ հաւատացեալներու բազմութիւն։