2019-ի Մարտի 1-ին,  Սուրբ Գրիգոր Լուսաւորիչ եկեղեցւոյ մէջ,  հանդիսապետութեամբ թեմիս բարեխնամ առաջնորդ Տ․ Աւագ արք․ Ասատուրեանի, Վարդանանց տօնին առիթով մատուցուեցաւ Սուրբ եւ Անմահ Պատարագ։ Պատարագի աւարտին կատարուեցաւ հոգեհանգստեան պաշտօն 1988-ի Սումգայիթի զոհերու յիշատակին։ Պատարագին ներկայ էին ՀՀ Դեսպան՝ Պրն․ Հրաչ Փոլատեան, արտերկրեայ դեսպաններ եւ դիւանագէտներ, ՀՄԸՄ-ի սկաուտներ եւ հաւատացեալներու բազմութիւն մը։