2019-ի Մարտի 3-ին, Պաղտատի Սուրբ Աստուածածին եկեղեցւոյ մէջ, հանդիսապետութեամբ  թեմիս բարեխնամ Առաջնորդ Տ․ Աւագ արք․Ասատուրեանի, մատուցուեցաւ Սուրբ եւ Անմահ Պատարագ։ Պատարագի ընթացքին օծուեցաւ 40 Մանկանց նուիրուած Սրբապատկեր, որուն հեղինակն է Իրաքահայ գեղանկարիչ Անդրանիկ Օհաննէսեան։ Պատարագէն ետք կատարուեցաւ սոյն եկեղեցւոյ վերանորոգման օժանդակող  անձանց շնորհակալագրերու յանձման արարողութիւն։  Ձեռնարկին ներկայ էր Իրաքի մօտ  ՀՀ արտակարգ եւ լիազօր դեսպան Պր․ Հրաչեայ Փոլատեանը։