22 Յուլիս 2021-ին, Իրաքի թեմի բարեխնամ առաջնորդ Գերաշնորհ Տ․ Աւագ Արք․ Ասատուրեան հովուական այցելութիւն մը կատարեց   Իրաքի հիւսիսային շրջան: Այցելութեան ընթացքին  հանդիպում ունեցաւ Քէրքուքի հայ համայնքին հետ, ուր Առաջնորդ Սրբազան հօր հանդիսապետութեամբ ժամերգութիւն կատարուեցաւ տեղի Ս․ Աստուածածին եկեղեցւոյ մէջ, մասնակցութեամբ՝  Տ․ Արթուն քհնյ․ Խալաթեանի եւ  ներկայութեամբ՝ Քէրքուքի Թաղական խորհուրդի վարչութեան անդամներուն ու համայնքի հաւատացեալներուն։ Ներկայ էր կեդրոնական վարչութեան անդամ Պր․ Գէորգ Գատոեան։