Հանդիսապետութեամբ Թեմիս բարեջան Առաջնորդ Գերշ. Տ. Օշական Եպս. Կիւլկիւլեանի` Կիրակի երեկոյեան, ամսոյս 30ին Սուրբ և Անմահ Պատարագ մատուցուեցաւ Սբ. Կարապետ եկեղեցւոյ մէջ։ Պատարագիչն էր արժ. Տ. Արտակ քհն. Միրզոեանը։
Պատարագի աւարտին Առաջնորդ Սրբազան Հայրը օրհնեց պարոն Երեմիա Քեշիշեանի Հայաստանէն բերած ու հանգուցեալ հօր` Մանուէլ Քեշիշեանի յիշատակին նուիրած Միւռոնաթափը։
Այս արարողութեան իրենց մասնակցութիւնը բերին արժ. Տ Գէորգ քհն. Արշակեանը և արժ. Տ Սեպուհ քհն. Բաղդասարեանը։
Սբ. Պատարագին ներկայ էր նաև Ազգ. Կեդրոնական վարչութեան անդամ պարոն Վարդան Մոնճողլեանը։
About The Author
