Այսօր առաւօտուն, Փետրուարի 20ին, Թեմիս Բարեխնամ Առաջնորդ Գերշ. Տ. Օշական Եպս. Կիւլկիւլեանը Առաջնորդարանի իր գրասենեակէն ներս ընդունեց Իրաքի Քրիստոնէութեան, Եզտի և այլ կրօններու Աւանդապահութեան Դիւանի նախագահ դոկտոր Րամի Ժոզէֆ Աղաջանը և քանի մը պատասխանատուներ։ Ողջոյնի եւ բարեմաղթանքներ փոխանակելէ ետք` հիւրերը առաջնորդուեցան Սուրբ Գրիգոր Լուսաւորիչ Մայր Եկեղեցի ուր ժամանակէ մը ի վեր կը կատարուին հիմնաւոր նորոգութիւններ։
Յատկանշական է որ այդ նորոգութիւնները կը հովանաւորուին յիշեալ Աւանդապահութեան Դիւանի կողմէ , անմիջական հետեւողութեամբը Թեմիս Բարեխնամ Առաջնորդին։
Հանդիպման ներկայ եղաւ Կեդրոնական վարչութեան անդամ պարոն Վարդան Մոնճողլեանը։
Առաջնորդարանի Տեղեկատուական գրասենեակ
Լուսանկարները` Վահիկ Աւետիսեան
About The Author
