23 Հոկտեմբեր 2019-ին, հովանաւորութեամբ՝ թեմիս բարեխնամ առաջնորդ Գերաշնորհ Տ․ Աւագ արք․ Ասատուրեանի, ՀՄԸ միութիւնը կազմակերպեց Համաեկեղեցական ֆութպոլի խումբերու երրորդ մրցաշրջանի փակման արարողութիւնը: Եզրափակիչ խաղին մասնակցեցան՝ Սբ․ Գրիգոր Լուսաւորիչ եւ քրիստոնեայ համայնքէն՝ Սբ․ Թովմա եկեղեցիներու խումբերը։ Խաղն աւարտուեցաւ 6-4 հաշուով յօգուտ Սբ․ Գրիգոր Լուսաւորիչ եկեղեցւոյ խումբին։ Մրցաշարքի աւարտին բաժնուեցան մրցանակներ յաղթող առաջին չորս խումբերուն։