ԱՌԱՋՆՈՐԴԱՐԱՆ ԻՐԱՔԻ ՀԱՅՈՑ

مطرانية الارمن الارثوذكس في العراق

ԱՌԱՋՆՈՐԴԱՐԱՆ

Մաքենզի Գրախանութը 100 Տարեկան Է

Մաքենզի գրախանութը հիմնադրուած  է 1920 թուականին, Ալ-Ռաշիտ փողոցին վրայ: Այն կը համարուի Իրաքի ամենահին գրախանութը , որ մեծ համբաւ ունի գիտական եւ մշակութային շրջանակներուն մէջ: Իրաքահայ գրքավաճառ՝ Երուանդ Ներսէս Պետրոսեան, Մաքենզի գրախանութի սեփականատէրը՝ իր ջանքերով եւ  մշակութային պաշարով Իրաքի գիտական եւ մշակութային կեանքը զարգացուց:   Մաքենզի գրախանութը Իրաքի համալսարաններու, կրթական հաստատութիւններու եւ դպրոցներու գիրքերը մատակարարող միակ կեդրոնն էր։ Արաբական եւ միջազգային հրատարակչութիւններու գիտական եւ ակադեմական գիրքերով կարեւոր դեր կատարեց հասարակութեան բոլոր շերտերուն ներառեալ՝ բժիշկներու, ճարտարապետներու, իրաւաբաններու, դեղագործներու, պատմաբաններու, լրագրողներու, գրողներու եւ արուեստագէտներու կրթական նուաճումներու գործին մէջ։ Մաքենզի գրախանութը փոխանցուեցաւ Երուանդի կնոջ՝ Ալիս Անդրէասեան-Պետրոսեանին, որուն ջանքերով ակնյայտօրէն  շարունակուեցան գիտութիւն ու մշակոյթ տարածելը՝ տարբեր լեզուներով ակադեմական, մշակութային, գիտական եւ գրական գիրքեր տրամադրելով: Մաքենզի գրախանութը եղած է գիտական, մշակութային եւ քաղաքակրթական հաստատութիւն, եւ վեհ խորհրդանիշ: Շարունակուեցաւ գրախանութի գործունէութիւնը Երուանդի դուստրերու՝ Լեռնիկ եւ Արփիկ Պետրոսեաններու շնորհիւ, որոնք ջանք չխնայեցին որ գրախանութը պահպանէ իր բարձր դիրքը, որպէս գիտամշակութային կառոյց։ Նշենք, որ այս տարի Իրաքի Հանրապետութեան կազմաւորման հարիւր ամեակն է, այս առթիւ գրախանութը  ներկայացաւ՝  ալ աւելի փայլուն կերպով։

Print Friendly, PDF & Email
%d bloggers like this: