Յունուարի 25ին առաւօտեան ժամը 11ին, Իրաքի Շիիթ Կրօնապետ (Սամահաթ Ալ-Սէյիտ Մուքթատա Ալ- Սատըր)ի օգնականներէն՝ Շէյխ Ալաա Ալ-Լամի رئيس مؤسسة الشهيدين الصدرين պատուիրակութեամբ մը այցելեց Իրաքահայ Թեմ:
Պատուարժան հիւրերուն ընդունեց Իրաքահայ Թեմի բարեխնամ Առաջնորդ՝ Հոգշ. Տ. Օշական Վրդ. Կիւլկիւլեանը եւ Ազգային Կեդրոնական Վարչութիւնը:
Մտերմիկ մթնոլորտի մէջ երկու կողմերը քննարկեցին զանազան հարցեր, Քրիստոնեայ եւ Իսլամ ժողովուրդներու միջեւ դարերէ ի վեր արմատացած սերտ յարաբերութիւնները, Իրաքի ու յատկապէս Քրիստոնեայ փոքրամասնութեանց յուզող խնդիրներ եւ այլն:
Հանդիպման ընթացքին պատուիրակութեան նախագահը վերոյիշեալ հաստատութեան անունով պատուոգրեր յանձնեց Առաջնորդ Հայր Սուրբին: Այդ առիթով փոխանակուեցան շնորհակալական խօսքեր:
Աւարտին, պատուիրակութիւնը այցելեց Ս. Գրիգոր Լուսաւորիչ Առաջնորդանիստ Եկեղեցին:
