Հիւսիսային շրջան տուած Իր հովուական այցելութեան ծիրէն ներս, Թեմիս Բարեխնամ Առաջնորդ հոգշ. Տ. Օշական Վրդ.Կիւլկիւլեանը, ընկերակցութեամբ կեդրոնական վարչութեան ատենապետ պարոն Կարապետ Գալուստեանի և Տհօքի Թաղական Խորհուրդի ատենապետ պարոն Երուանդ Էմինեանի` այսօր առաւօտուն այցելեց Քիւրտիսդանի Տեմոգրաթ կուսակցութեան Տհօքի պատասխանատու պարոն Պէշթուան Սատըքին։ Բարի գալուստի և ողջոյնի խօսքեր փոխանակելէ ետք`մտերմիկ մթնոլորտի մէջ քննարկուեցան Հայերու և Քիւրտերու բարեկամական փոխ յարաբերութիւնները ինչպէս նաև Քիւրտական մարզի և մանաւանդ Տհօքի, Զախոյի և գիւղերու մէջ բնակող հայերու կարիքներն ու յուզող հարցերը։
