Հինգշաբթի երեկոյեան, Յունուարի 16ին, Թեմիս բարեջան Առաջնորդ Գերշ. Տ. Օշական Եպս. Կիւլկիւլեանը ընկերակցութեամբ արժ. Տ. Արթուն քհն. Խալաթեանի և Էրպիլի Թաղական Խորհուրդի ատենապետ պարոն Իվոն Պօղոսեանի և անդամ պարոն Յակոբ Խալաթեանի` քաղաքավարական այցելութիւն տուաւ Էրպիլի մէջ ՀՀ Հիւպատոսարան և ընդունուեցաւ նորանշանակ հիւպատոս տիար Ռաֆայել Մովսէսեանի և նախկին հիւպատոս տիար Անդրանիկ Մանուկեանի կողմէ։
Հանդիպման ընթացքին Սրբազան Հայրը շնորհաւորեց նորանշանակ հիւպատոսը մաղթելով անոր յաջողութիւն և ամենայն բարիք ինչպէս նաեւ երախտիքի խօսք ուղղեց նախկին հիւպատոսին, Քիւրտական մարզի հայութեան ի նպաստ` հիւպատոսարանի կողմէ տրուած ծառայութեանց համար։
