Իրաքի Հայոց Առաջնորդարանին մէջ Մայիս 18-ին, տեղի ունեցաւ Ազգային Կեդրոնական Վարչութեան ընտրութիւնը։ Իրաքի Արդարադատութեան նախարարութեան ներկայացուցիչներու ղեկավարութեամբ  ընտրուեցան 7 անդամներ։ Յաջորդ օրը թեմիս առաջնորդի՝ Գերաշնորհ Տ․Աւագ արք․ Ասատուրեանի հրաւէրով եւ գլխաւորութեամբ գումարուեցաւ կազմի անդրանիկ ժողովը, որու ընթացքին վարչութեան կազմի պաշտօնները բաժնուեցան հետեւեալ ձեւով․ Մելքոն Մելքոնեան՝ ատենապետ, Գէորգ Գատոյեան՝ փոխ ատենապետ, Արամ Քէթէնճեան՝ ատենադպիր,  Կարապետ Գալուստեան՝ հաշուապահ, Վարդան Վարդանեան՝ գանձապահ, Գրիգոր Տէր-Յակոբեան՝ խորհրդատու, եւ Արա Եսայեան՝ խորհրդատու։