Իրաքի Հայ Բարեգործական Միութեան Վարչութիւնը՝ նախագահութեամբ պարոն Բագրամ Տէր Յակոբեանի, ամսոյս 25ին ցաւակցութիւն ընդունեց  բարերարուհի եւ Բարեգործական Միութեան նախկին նախագահ  Լուիզ Մանուկեանի յիշատակին, որը Փետրուարի 18ին  մահականացուն կնքեց  ԱՄՆ ի մէջ: Այս հոգեպարար արարողութեան ներկայ էին՝ Իրաքահայ Թեմի Առաջնորդ՝ գերաշնորհ Տ. Աւագ արք. Ասատուրաեանը,  ՀՀ Դեսպան՝ տիար Հրաչ Փոլատեանը եւ դեսպանութեան կցորդ՝ պարոն Ալիք Ղարիպեանը, հոգշ. Տ. Գաբրիէլ վրդ. Սարգիսեանը, Կեդրոնական վարչութեան ներկայացուցիներ եւայլք: Այս առիթով առաջնորդ Սրբազանը սրտի խօսքով արժեւորեց հանգուցեալի տարած տասնեակ տարիներու ազգօգուտ աշխատանքն ու  բարեգործութիւնները:Միութեան  վարչութեան անունով, դոկտ. Լիտա Էկիտպաշեան հակիրճօրէն ներկայացուց  հանգուցեալի կենսագրականը: Յիշատակն արդարոյն օրհնութեամբ եղիցի: