3 Դեկտեմբեր 2021-ին, հանդիսապետութեամբ՝ Իրաքի Հայոց Թեմի Բարեխնամ Առաջնորդ Գերաշնորհ Տ. Աւագ Արք․ Ասատուրեանի, Պաղտատի Սուրբ Գրիգոր Լուսաւորիչ եկեղեցւոյ մէջ մատուցուեցաւ Սուրբ եւ Անմահ Պատարագ։ Օրուան պատարագիչն էր՝ Ֆրանսայի Հայոց Թեմի Առաջնորդ Տ․ Վահան Եպս․ Յովհաննէսեան: Յընթացս Սուրբ պատարագի տեղի ունեցաւ սրբապատկերի օծում։ Նշեալ սրբապատկերը արուեստագէտ Պրն․ Անդրանիկ Օհաննէսեանի գործն է: Ներկայ էին Արժ․ Տ․ Գէորգ Քհնյ․ Արշակեանը, ՀՀ դեսպանատան հաւատարմատար Պրն․ Ալիք Ղարիպեանը, Ազգային Կեդրոնական վարչութեան փոխ ատենապետն ու անդամները եւ բարեպաշտ հաւատացեալ ժողովուրդ։
