ԱՌԱՋՆՈՐԴԱՐԱՆ ԻՐԱՔԻ ՀԱՅՈՑ

مطرانية الارمن الارثوذكس في العراق

ԶԱԽՕ

Արժ. Տ. Ադամ Քհնյ. Մովսէսեանը կը Ժամանէ Զախօ

Թեմիս բարեխնամ Առաջնորդ՝ Հոգեշնորհ Տ. Օշական Վրդ. Կիւլկիւլեանի եւ Ազգային Կեդր. Վարչութեան համախորհուրդ որոշումով, Մայր Հայրենիքէն ժամանած Արժ. Տ. Ադամ Քհնյ. Մովսէսեանը այս երկուշաբթի, Օգոստոսի 1ին մեկնեցաւ Իրաքի հիւսիսայն շրջան որպէս հոգեւոր հովիւ Զախօյի հայ համայնքին: Անոր կ՛ուղեկցէր Կեդրոնական վարչութեան անդամ Տիար Էտմոն Տէր-Մովսէսեանը,

Տէր հօր,  Էրպիլի օդանաւակայանին մէջ դիմաւորեցին՝ Էրպիլի եկեղեցւոյ հոգեւոր հովիւ Արժ. Տ. Արթուն Քհնյ. Խալաթեանը, Քիւրտիստանի Խորհրդարանի անդամ Տիար Վահիկ Սարանեանը, Էրպիլի Թաղականութեան անդամ Տիար Յակոբ Խալաթեանը եւ Զախօյի Թաղականութեան ատենապետ Տիար Դաւիթ Մարտիրոսեանը: Վերջիններուս ուղեկցութեամբ Տէր Հայրը ժամանեց Զախօ, որուն դիմաւորեցին տեղի թաղականութեան միւս անդամները Տհօքի հոգեւոր հովիւ Արժ. Տ. Մասիս Քհնյ. Շահինեանի գլխաւորութեամբ:

Ս. Աստուածածին եկեղեցւոյ մէջ, մասնակցութեամբ Զախօյի Հայ համայնքի հաւատացեալներուն, տեղի ունեցաւ ժամերգութիւն, որու աւարտին Ամենքը Տէր Հօր մաղթեցին բարի գալուստ եւ բեղմնաւոր ծառայութիւն իր նոր հովւութեան մէջ:

Print Friendly, PDF & Email
%d bloggers like this: