ԻՐԱՔԱՀԱՅ ՄԱՐԶԻԿՆԵՐԸ ԿԸ ՄԱՍՆԱԿՑԻՆ ՀԱՄԱՀԱՅԿԱԿԱՆ ԽԱՂԵՐՈՒՆ

Թեմիս բարեխնամ առաջնորդ հոգշ. Տ. Օշական Վրդ. Կիւլկիւլեանի օրհնութեամբ և Ազգ. Կեդրոնական վարչութեան օժանդակութեամբ Իրաքահայ Թեմէն մարզիկներու խումբ մը պիտի մասնակցի Օգոստոսի 5_19 ժամանակահատուածին Երևանի մէջ կայացող 8_րդ Համահայկական խաղերուն։Այս առիթով Առաջնորդ Հայր Սուրբը երէկ երեկոյեան Ազգային Ծերանոցի իր գրասենեակէն ներս ընդունեց մարզիկներու խումբը և հայրական օրհնութիւնն ու բարեմաղթանքները պարգեւեց անոնց։Կը կարեւորենք յիշել որ մեր մարզիկները այսօր ժամանեցին Երևան մասնակցելու յիշեալ միջոցառման։Հանդիպման ներկայ եղան վարչութեան անդամներէն պրնք. Շանթ Յարութիւնեանը, Խաչիկ Ատոմեանը և Վարդան Մոնճողլեանը։

All reactions:107سامي ساركيسيان, Garo Armenak and 105 others