Այսօր, Ուրբաթ առաւօտուն, ըստ սովորականի, Սբ. և Անմահ Պատարագ մատուցուեցաւ Պաղտատի Սբ. Գրիգոր Լուսաւորիչ Մայր եկեղեցւոյ մէջ։ Պատարագիչն էր արժ. Տ. Արտակ քհն. Միրզոեանը։ Օրուան քարոզը խօսեցաւ Իրաքահայ Թեմը հիւրաբար գտնուող, Մայր Աթոռ Սուրբ Էջմիածնի Վանօրէից Տեսուչ Գերշ. Տ. Արտակ Եպս. Տիգրանեանը։ Աւարտին, հիւր Սրբազանը Մայր Աթոռի անունով Միւռոնաթափ Աղաւնի մը, որպէս նուէր Առաջնորդանիստ եկեղեցւոյն, յանձնեց Թեմիս բարեջան Առաջնորդ` Գերշ. Տ. Օշական եպս. Կիւլկիւլեանին, որն իր հերթին խորազգաց երախտիքի խօսք արտասանեց այս ուրախ առիթով։ Պատարագէն ետք հիւր Սրբազանը ընկերակցութեամբ արժ. Տ. Սեպուհ քհն. Բաղդասարեանի այցելեց Առաջնորդարանի թանգարանը։
About The Author
