Սուրբ Աստուածամօր Վերարփոխման հրաշալի Տօնը Պաղտատի տարբեր յարանուանութիւններուն՝ Իսլամ եւ Քրիստոնեայ ու մանաւանդ Հայ ազգի զաւակներուն համար հաւատքը խորացնող ու հոգիները անդորրացնող անսպառ աղբիւր է: Այս հոգեհարազատ Տօնին շաբաթը աննկարագրելի եռուզեռ մը կ՛ապրի Պաղտատի Հայ Առաքելական «Ս. Աստուածածին» դարաւոր եկեղեցին (հիմն. 1639): Հաւատացեալները ամբողջ շաբթուան ընթացքին, առաւօտեան ժամերէն մինչեւ ուշ գիշեր կը վխտան այդ նուիրական ուխտատեղին եւ սրտաբուխ աղօթքներով կը հայցեն Սուրբ Աստուածամօր բարեխօսութիւնը:
Այս Տօնի կապակցութեամբ Շաբաթ օր երեկոյեան, Օգոստոսի 17ին հոծ բազմութեան ներկայութեամբ կատարուեցաւ Սուրբ Աստուածամօր Վերարփոխման Նախատօնակը։
Արամ սրկ. Քէթէնճեան
Լուսանկարները` Մասիս Մեսրոպեան
About The Author
