ԱՌԱՋՆՈՐԴԱՐԱՆ ԻՐԱՔԻ ՀԱՅՈՑ

مطرانية الارمن الارثوذكس في العراق

ԱՌԱՋՆՈՐԴԱՐԱՆ

Հոգեւոր Հովիւի Նշնակում Պասրայի Հայ Համայնքին


Ամսոյս 4ին, Հինգշաբթի օր, Իրաքահայ Թեմի բարեջան Առաջնորդ՝ Հոգեշնորհ Տ. Օշական Վրդ. Կիւլկիւլեան երեք օրեր տեւող հովուական այցելութեամբ մեկնեցաւ Պասրա: Հայր Սուրբին կ՛ուղեկցէին՝ Պասրայի նորանշանակ հոգեւոր հովիւ՝ Հոգշ. Տ. Ղեւոնդ Աբղ. Սաղաթէլեանը, Ազգ. Կեդր. Վարչութեան Ատենապետ Պրն. Մելքոն Մելքոնեանը եւ Պասրայի Թաղական Խորհուրդի անդամ՝ Պրն. Նովակ Պետրոսեանը: Պատուիրակութեան դիմաւորեցին Թաղական խորհուրդի Ատենապետ՝ Պրն. Խաժակ Վարդանեանը եւ անդամ՝ Պրն. Իշխան Մանուկեանը: Այցելութեան ընթացքին Թեմիս բարեխնամ Առաջնորդը առիթն ունեցաւ այցելելու հիւանդներուն ու ծերերուն եւ աղօթելու անոնց առողջութեան համար: Օգոստոսի 6ին Պասրայի հայ համայնքի զաւակներու ներկայութեամբ, Ս. Աստուածածին եկեղեցւոյ մէջ իր անդրանիկ Ս. Եւ Անմահ Պատարագը մատուցեց Հոգշ. Տ. Ղեւոնդ Աբղյ. Սաղաթէլեանը: Ս. Պատարագին յաւուր պատշաճի քարոզեց Առաջնորդ Հայր Սուրբը նաեւ հաւատացեալնեուն ներկայացուց նորանշանակ հոգեւոր հովիւին, իսկ Պատարագէն ետք հանդիպում ունեցաւ անոնց հետ «Աւագ Արքեպս. Ասատուրեան» սրահին մէջ: Այս առիթով Կեդրոնական Վարչութեան Ատենապետ Պրն. Մ. Մելքոնեան համայնքի զաւակներուն ներկայացուց նաեւ նորընտիր Առաջնորդ՝ Հոգշ Տ. Օշական Վրդ. Կիւկիւլեանին:

Print Friendly, PDF & Email
%d bloggers like this: