2 Սեպտեմբեր 2022-ին,  Զախօյի Հայ երիտասարդները ուխտաւորաբար այցելեցին Հաւրէզք գիւղի Սուրբ Սարգիս եկեղեցի, ուր Սուրբ եւ Անմահ Պատարագ մատուցուեցաւ ձեռամբ՝ Զախօյի հոգեւոր հովիւ Արժ․ Տ. Ադամ քհնյ. Մովսէսեանի: Ս. Պատարագին մասնակցեցան գիւղի եւ Զախօյի հայ համայնքի Թաղական խորհուրդի անդամները եւ հաւատացեալ ժողովուրդ։ Յաւարտ Սուրբ Պատարագի տեղի ունեցաւ հոգեհանգստեան կարգ երջանկայիշատակ Տ. Տիրան քհնյ. Սարգիսեանի հոգիի խաղաղութեան եւ հանգստութեան համար: Ապա՝ տեղի հայ համայնքի միասնական Ճաշի սեղանի շուրջ կազմակերպուած ձեռնարկի ծիրէն ներս տեղի ունեցան խաղեր, որոնց նպատակն էր երկու համայնքներու երիտասարդներուն միջեւ ընկերային յարաբերութիւններ ստեղծել։ Այնուհետեւ ուխտաւորները մեկնեցան Տըհոք, ուր նշեցին՝ Զախոյի Սուրբ Մարիամ Աստուածածին եկեղեցւոյ դպրաց դասի շարք մը անդաներու ծծնդեան տարեդարձը։

Print Friendly, PDF & Email

կիսուիլ

Like this:

Like Loading...
%d bloggers like this: