15 Սեպտեմբեր 2022-ին, Ս. Յովսէփ եւ Ս. Թէրէզ Մանուկ Յիսուս եկեղեցին կազմակերպեց համաեկեղեցական մրցաշար, որու եզրափակիչ խաղը տեղի ունեցաւ 21 Հոկտեմբերին, Մար Կորկիս քաղդէական եկեղեցւոյ մէջ: Մրցաշարին մասնակցեցաւ Ս. Գրիգոր Լուսաւորիչ եկեղեցւոյ խումբը եւ գրաւեց երկրորդ հորիզոնականը:
Արարողութեան ներկայ էին՝ Առաջնորդ Իրաքի Հայոց՝ Գերշ. Տ. Օշական Վրդ. Կիւլկիւլեան, Լատին եկեղեցւոյ Առաջնորդ՝ Գերշ. Տ. Ճան Սուլէյման, քահանայ հայրեր, Ազգային Կեդրոնական վարչութեան անդամ Պրն. Կարապետ Գալուստեան եւ հիւրեր:
Մրցաշարերուն ընթացքին ոչ խմբակային խաղերուն եւս մասնակցեցան հայ համայնքի զաւակներէն, որոնք նուաճեցին տարբեր հորիզոնականներ եւ մետալներ-
1- Սեղանի թենիսի խաղին-Նազար Գրիգորեան, գրաւեց առաջին հորիզոնականը:
2- Սեղանի թենիսի զոյգերու խաղին-Նազար Գրիգորեան եւ Ռաֆֆի Լուսէեան, գրաւեցին առաջին հորիզոնականը:
3- «Լաւագոյն ձայն» ձեռնարկին-քոյր Գարուն Պէլերեան, գրաւեց առաջին հորիզոնականը:
About The Author
