Ուրբաթ օր երեկոյեան, Թեմիս Բարեխնամ Առաջնորդը այցելեց Տհօքի քանի մը տարեցներուն և հիւանդներուն։ Այցելութեան վերջին կայանը եղաւ Տհօքի արուարձաններէն Սեճի գիւղը, ուր հաստատուած են անցեալ Հոկտեմբերին ահաւոր վթարի հետևանքով զոհուած հայ ընտանիքի հարազատները և վթարէն ճողոպրած երեք փոքրիկներէն երկուքը։ Յատկանշական է որ վթարէն ողջ մնացած երրորդ փոքրիկը Էրպիլի մէջ ՀՀ Հիւպատոսի տնօրինութեամբ, բուժման համար ղրկուած էր Հայաստան, որը բարեբախտաբար ապաքինման մէջ է և նոյնիսկ սկսած է խօսիլ։
Այցելութեան աւարտին Հայր Սուրբը այցելեց գիւղի գերեզմանատունը ուր ննջած են զոհուած ընտանիքի ութը անդամները և աղօթեց անոնց հոգիներու խաղաղութեան համար։
About The Author
