Ըստ սովորականին, այսօր, Դեկտեմբեր ամսուայ առաջին Կիրակին, երեկոյեան ժամը 4։30ին, հանդիսապետութեամբ Թեմիս Բարեխնամ Առաջնորդ Գեր. Տ. Օշական եպս. Կիւլկիւլեանի` Ս. և Անմահ Պատարագ մատուցուեցաւ Պաղտատի Սուրբ Աստուածածին Հնամեայ եկեղեցւոյ մէջ։
Պատարագիչն էր արժ. Տ. Գէորգ քհնյ. Արշակեանը։ Օրուայ քարոզը խօսեցաւ Առաջնորդ Սրբազան Հայրը բնաբան ունենալով Մատթէոսի Աւետարանի վերջին համարը` «…Ուրեմն գացէ՜ք բոլոր ազգերը աշակերտեցէք, մկրտեցէք զանոնք յանուն Հօր և Որդւոյ և Հոգւոյն Սրբոյ…»։ Իր քարոզին մէջ ան անդրադարձաւ Ս. Թադէոս և Ս. Բարթուղիմէոս առաքեալներու քարոզութեան մասին ի Հայաստան։
Կը կարեւորենք յիշել որ Ս. Պատարագին ներկայ էր Գանատայէն հիւրաբար ժամանած արժ. Տ. Գեղարդ ա. Քհնյ. Կարապետեանը, արժ. Տ. Յակոբոս քհնյ. Իսահակեանը, Կեդրոնական Վարչութեան ատենապետն ու անդամներէն ոմանք, Եկեղեցապան Մարմինի ատենապետն ու անդամները և հաւատացեալ ժողովուրդ։
About The Author
