Հովանաւորութեամբ Թեմիս Բարեխնամ Առաջնորդ Գերաշնորհ Տ. Օշական Եպս. Կիւլկիւլեանի, Կազմակերպութեամբ Իրաքի Հայ Տիկնանց Մշակութային Միութեան,Մայրերու Տօնի Առիթով տեղի ունեցաւ Գրական գեղարուեստական երեկոյ Նուիրուած Ամենայն Հայոց Բանաստեղծուհի «Սիլվա Կապուտիկեան»ի յիշատակին, Շաբաթ, 6 Ապրիլ 2024թ. Պ.Հ.Ե.Ե. Միութեան սրահին մէջ: Ձեռնարկին ներկայ էին Գերաշնորհ Տ. Աւագ Արք. Ասատուրեանը, Կաթողիկէ Հայ Համայնքի Առաջնորդ Արհիապատիւ Տ. Ներսէս Արք. Զապարեանը, ՀՀ դեսպանութեան հաւատարմատար խորհրդական մեծահարգ Պարոն Ռուբէն Սողոյեանը,Ազգային Կեդրոնական վարչութեան ատենապետ և անդամներէն ոմանք, Իրաք ժամանած նորանշանակ Արժանապատիւ Տ. Սեպուհ քհն. Բաղտասարեան և Տ. Արտակ քհն. Միրզոյեան որոնք ծառայութեան կոչուած են Իրաքի Հայոց թեմին մէջ, միւթենական վարչութիւններու անդամներ, Հայոց Ազգային վարժարանի տնօրէն և ուսուցչական կազմ և ներկաներ:
Բացման խօսքի ընթացքին Տիկնանց միութեան ներկայացուցիչ Նուշիկ Մելքոնեանը միութեան անունով շնորհաւորեց ներկայ գտնւող Հայ մայրերուն և կիներուն Ս. Աստուածածնայ և Մայրութեան տօնի կապակցութեամբ մաղթելով բոլորին յաջողութիւն, առողջութիւն և ընտանեկան երջանկութիւն: Ներկայ էին Հայոց Ազգային վարժարանի աշակերտները որոնք մօտենալով իրենց մայրերուն և ներկաներուն ծաղիկները նուիրեցին:
Ապա ներկայացուեցաւ Սիլվա Կապուտիկեանի կենսագրականը և հնչեցուեցաւ Կապուտիկեանի խօսքերով բանաստեղծութիւններ և երգեր:
About The Author
