Հայոց Ցեղասպանութեան 109-րդ ամեակի ոգեկոչման ձեռնարկներու ծիրէն ներս, Առաջնորդարանին առընթեր գործող Հայ Դատի Յանձնախումբը Մայիսի 3-ին Խորհրդակցական Գիտաժողով մը կազմակերպեց Պ.Հ.Ե.Ե Միութեան մէջ մասնակցութեամբ Տիար Կիրօ Մանոյեանի, Գիտաշխատող Դոկտոր Սաատ Սալլումի և Գիտաշխատող Դոկտոր Ճուատ Էլ Պիտանիի։
Ձեռնարկին, որն հովանաւորեց Թեմիս բարեջան Առաջնորդ Գերշ. Տ. Օշական եպս. Կիւլկիւլեանը ներկայ եղան` Թեմիս Հոգեւորականաց դասը, Հայ Կաթողիկէ Համայնքի քահանայ հայրը, ՀՀ Դեսպանութեան հաւատարմատարը և հիւպատոսը, Կեդրոնական Վարչութեան ատենապետն ու անդամները, Մուսուլի և Քէրքուկի Թաղականութեանց ատենապետները, Միութիւններու վարչութիւնները, օտարազգի Գիտաշխատողներ և հիւրեր։
About The Author
