Ուրբաթ օր, Մայիսի 3ին, հանդիսապետութեամբ Թեմիս բարեջան Առաջնորդ Գերշ. Տ. Օշական եպս. Կիւլկիւլեանի` Սուրբ և Անմահ Պատարագ մատուցուեցաւ Սբ. Գրիգոր Լուսաւորիչ Մայր եկեղեցւոյ մէջ։
Պատարագիչն ու քարոզխօսն էր արժ. Տ. Արտակ քհն. Միրզոեանը։
Յաւարտ Սուրբ Պատարագի ննջեցեալներու հոգիներու խաղաղութեան համար կատարուեցաւ հոգեհանգստեան պաշտօն, որու ընթացքին ոգեկոչուեցաւ նաև մահուան յիսնամեայ յիշատակը Վասպուրականի Ազգային հերոս Լեւոն Փաշա Շաղոյեանի։
Այնուհետև, և ներկայութեամբ հաւատացեալներու հոծ բազմութեան, ազգայիններու և ՀՄԸՄ-Ի Սկաուտութեան, եկեղեցւոյ բակի Խաչքար- Յուշակոթողին մօտ, ուր զետեղուած կան հերոսի աճիւնները, կատարուեցաւ գրական բաժին։
