Կիրակի օր, Հոկտեմբեր 13ին Սրբոց Թարգմանչաց Տօնին և Տհօքի Սբ. Ներսէս Շնորհալի Եկեղեցւոյ հիմնադրման 16րդ ամեակի զոյգ առիթներով Իրաքահայ Թեմի Բարեխնամ Առաջնորդ Գերշ. Տ. Օշական Եպիսկոպոս Կիւլկիւլեանի կողմէ Սբ. Պատարագ մատուցուեցաւ Տհօքի յիշեալ եկեղեցւոյ մէջ։
Պատարագի աւարտին գրական գեղարուեստական բաժինով նախ ներկայացուեցաւ եկեղեցւոյ պատմականն ու գործունէութիւնը հիմնադրութենէն այսօր, ապա ելոյթ ունեցան եկեղեցւոյ դպրաց դասն ու կիրակնօրեայի փոքրիկները։
Այս հանդիսութեանց ներկայ եղան` Տհօքի, Էրպիլի և Զախոյի Հայ եկեղեցւոյ հոգեւոր հովիւները, Տհօքի Քաղդէացիներու, Նեստորականներու և Ասորեստանի հին Արևելեան եկեղեցւոյ առաջնորդները, Գաբնի կազմակերպութեան պատասխանատու աւագ երէցը, Քիւրտական Մարզի մէջ ՀՀ հիւպատոսը, Հիւսիսային շրջանի (Զախօ, Էրպիլ, Աւզրուկ, Հաւրէզք) Թաղական խորհուրդներու ատենապետներն ու անդամները ինչպէս նաև այլ հիւրեր և հաւատացեալներ։
About The Author
