Այսօր, Կիրակի երեկոյեան, ի տօնին «Երեւումն Ս. Խաչի», Սուրբ եւ Անմահ պատարագ մատուցուեցաւ Պաղտատի Ս. Աստուածածին եկեղեցւոյ մէջ, հանդիսապետութեամբ Թեմիս բարեխնամ Առաջնորդ՝ Հոգշ Տ. Օշական Վրդ. Կիւլկիւլեանի: Պատարագիչն էր արժ. Տ. Գէորգ քհնյ. Արշակեան:
Իր քարոզին մէջ հոգեշնորհ Հայր Սուրբը անդրադարձաւ Խաչին նուիրուած տօներուն. Խօսեցաւ խաչի գործածութեան պատմականի մասին եւ թէ ինչպէս Հռոմէական Կայսրութեան կողմէ մահուան դատապարտուողներուն իբրեւ պատժամիջոց գործածուող խաչը, Քրիստոսի Խաչելութեամբ` դարձաւ Քրիստոնէութեան հաւատքի խորհրդանիշը, որմով կը զարդարենք մեր եկեղեցիներն ու տուները եւ ինչու չէ նաեւ կը կրենք մեր կուրծքին:
About The Author
