Թեմիս բարեջան Առաջնորդի Միացեալ Նահանգներ այցելութեան առիթէն օգտուելով, Բենսլիվանիայի Ս. Սահակ և Ս.Մեսրոպ եկեղեցւոյ Ծխական խորհուրդը, ի պատիւ Սրբազան Հօր, Բարի գալուստի և Եպիսկոպոսացման հանդիսութիւն մը կազմակերպեց Շաբաթ երեկոյեան Նոյեմբերի 4ին։ Նորին Սրբազնութեան այցելութիւնը իր նախկին հօտին աննկարագրելի խանդաւառութիւն և հրճուանք պատճառած էր համայնքին մէջ ու յատկապէս 300է աւելի այդ երեկոյթին ներկաներուն մօտ։
Կը կարեւորենք յիշել, որ Տ. Օշական Սրբազանը Իրաքի Թեմին Առաջնորդ ընտրուելէ առաջ և վարդապետ եղած ժամանակ` ամբողջ 13 տարիներ եղած էր հոգեւոր հովիւը վերոյիշեալ համայնքին։
ԾԱՆՕԹ։ Լուսանկարներուն համար օգտուեցանք Ս Սահակ և Ս Մեսրոպ եկեղեցւոյ դիմատետրէն։
Առաջնորդարանի Տեղեկատուական գրասենեակ
About The Author
