Երէկ, Յունուար 20-ի յետ միջօրէին, Թեմիս Բարեխնամ Առաջնորդ Գեր. Տ . Օշական եպս. Կիւլկիւլեանը այցելեց Իրաքահայ գեղանկարիչ Անդրանիկ Յովհաննէսեանի նկարներու ցուցահանդէսը, ուր ցուցադրուած են արուեստագէտի վերացական (تجريدي) վերջին ստեղծագործութիւններէն 28 նկար։
Սրբազան Հայրը գնահատանքի ու քաջալերանքի խօսքեր ուղղեց պարոն Անդրանիկին մաղթելով անոր նորանոր յաջողութիւններ։
Կը կարեւորենք յիշել որ Ա. Յովհաննէսեանը անդամ է Իրաքի և Հայաստանի նկարիչներու Միութեանց, իսկ այս ցուցահանդէսը արուեստագէտի 15-րդ ցուցահանդէսն է։
Սոյն այցելութեան Սրբազան Հօր կ՜ընկերակցէին բրշհ. Արամ սրկ. Քէթէնճեանը և պրն. Վահիկ Աւետիսեանը։
About The Author
