Հանդիսապետութեամբ Իրաքահայ Թեմի բարեխնամ Առաջնորդ՝ Հոգշ. Տ. Օշական Վրդ. Կիւլկիւլեանի, Ուրբաթ, Փետրուարի 17ին, Սրբոց Վարդանանց Տօնին առիթով Էրպիլի Ս. Խաչ եկեղեցւոյ մէջ Սուրբ եւ Անմահ Պատարագ մատուցուեցաւ: Պատարագիչն էր Էրպիլի հոգեւոր հովիւ՝ արժ. Տ. Արթուն քհնյ. Խալաթեանը: Բարի գալուստի խօսքէն ետք՝ քահանայ հայրը հրաւիրեց Առաջնորդ Հայր Սուրբին օրուայ քարոզը խօսելու ու իր հայրական օրհնութիւնը բաշխելու հաւատացեալ ժողովուրդին: Պատարագէն ետք՝ եկեղեցւոյ դահլիճին մէջ Թեմիս Առաջնորդը հանդիպում ունեցաւ ՀՀ Հիւպատոս՝ Տիար Արշակ Մանուկեանին եւ թաղականութեան անդամներուն հետ, ուր ներկայ էր նաեւ Կեդրոնական Վարչութեան փոխ Ատենապետ՝ պարոն Վարդան Վարդանեանը:
About The Author
